單身女仔買樓(不專業)守則:非地產經紀,不構成買樓建議

單身女生買樓_理財女生

身邊有女性讀者問,荃灣中心兩房放盤價338萬,如果鋤到價,分分鐘三百頭可以成交,好有興趣,go or not?

1. 有一種人,要特別小心高樓齡物業,呢類人就係單身女性。一般高樓齡住宅要面對一連串物業老化問題,如爆水管、天花滲水剝落,或大廈維修,呢類事要一個單身女性去處理會比較麻煩。

2. 「鬼唔知阿媽係女人?」係係,我知梗係住得又新又大當然好,筆直唔夠呀大佬。喺空間同樓齡之間,女性單身人士來講,我會建議寧願買新樓,買細啲,但都唔好買舊樓,住大啲。

3. 千祈唔好聽三姑六婆四叔七爺講「我朋友話呢度幾好住」,之後買錯樓,佢哋就會話「係咩我唔知咁多呀」,保障自己,記得自己做足research,睇多幾個盤。

4. 做好Research好重要,對個區熟,對個屋苑熟,先至唔會買錯盤。最好日頭夜晚都去附近行吓,有啲嘢日頭見唔到,夜晚先知道。

5. 買樓最好識多幾個對地產相熟的朋友,例如測量師、地產代理、記者或具備相關經驗嘅人,問多少少第三者意見。

6. 最好搵相熟經紀,但有啲情況下係你搵個盤真係無經紀相熟,睇樓時就要小心啲,簽咗睇樓紙就係跟嗰個經紀啦。

About finladyhk 66 Articles
深信財經是生活的中女,買菜參透理財之道,看劇知道股價升跌,旅行領悟當地經濟。曾為財經記者,現從事內容營銷。

Be the first to comment

Leave a Reply

Your email address will not be published.


*